Me siguri që të gjithëve u ka ndodhur që të digjeni papritur nga zjarri apo në rrethana të tjera. Por a bëjmë veprimet e duhura në pjesët e djegura ? Këto katër produkte do u vijnë në ndihmë për të  minimizuar plagët  e marra nga djegia :

Qumështi: Zhytni dy pjesë të një pëlhure të pastër në ujë të ftohtë. Njërën e nxirrni dhe e vendosni në vendin e djegur, e lini që të ndikojë 15 minuta, më pas atë pjesë e hiqni dhe sërish e vendosni në qumësht, ndërsa e nxirrni tjetrën dhe e vendosni në vendin e djegur. Edhe atë e hiqni pas 15 minutave. Procedurën duhet ta përsëritni gjatë një ore. Qumështi konsiderohet si ilaç shumë efikas shtëpiak kundër djegieve

Të bardhët e vezës: Bëhet fjalë ndoshta për mjetin më të fuqishëm shtëpiak kundër djegieve, sepse zbut dhembjen, bën që vendi i djegur të shërohet më shpejt, parandalon krijimin e flluskave. Lyejeni vendin e djegur me të bardhë të vezës dhe dhembja do të zbutet shpejt ndërsa do të zhduket deri sa të bardhët e vezës në lëkurë është në gjendje të lëngët. Për këtë arsye, vendin e djegur lyejeni vazhdimisht me të bardhë të freskët të vezës.

Lëngu i qepës : Është veçanërisht i popullarizuar në mesin e kuzhinierëve profesionistë, të cilët duke përgatitur ushqime shpesh përballen me djegie. Ata vetëm e nxjerrin lëngun e një gjysme të qepës dhe e vendosin në vendin e djegur. Për rezultate më të mira, këshillohet përdorimi i qepës së sapo prerë dhe që lëngu të vendoset shpejt në vendin e djegur, sepse, nëse qëndron disa minuta në ajër, i humb disa prej karakteristikave shëruese.

Uji i ftohtë: në vendin e djegur është pjesa më e rëndësishme e aplikimit të ndihmës së parë. Qëllimi është që vendi i djegur të ftohet. Mos përdorni akull sepse vetëm do t’i përkeqësoni gjërat.