Kompania simotër e Google, Alphabet ka kërkuar nga stafi i saj i Amerikës së Veriut që të punojnë nga shtëpia për të zvogëluar përhapjen e mundshme të koronavirusit. Javën e kaluar gjigandi i teknologjisë dërgoi një memorandum për stafin duke rekomanduar që punonjësit në shtetin Uashington të punojnë nga shtëpia.

Tani ajo e ka zgjeruar atë kërkesë për të gjithë afro 100,000 punëtorët e saj në 11 zyra në SH.B.A. dhe Kanada. “Për mbrojtjen e Alfabetit dhe komunitetit më të gjerë, ne tani ju rekomandojmë të punoni nga shtëpia,” shkroi Chris Rackoë, nënkryetari i Google për sigurinë globale, me një email për punëtorët. Alfabeti tha që zyrat e saj në Amerikën e Veriut do të qëndrojnë të hapura për ata të cilët nuk mund ta bëjnë dot punën përveçse në zyre. Javën e kaluar, Google, së bashku me shumë kompani të tjera të mëdha teknologjike në botë, përfshirë Apple, Amazon, Microsoft dhe Facebook, filluan të rekomandojnë që stafi në Seattle të punojë nga shtëpia ndërsa koronavirusi përhapet në shtetin Uashington. Një punonjës në Amazon dhe një punonjës në Facebook janë diagnostikuar me koronavirus. Të Dielën, shefi ekzekutiv i Apple Tim Cook u kërkoi punonjësve në disa zyra të tij globale që të punojnë në distancë këtë javë “nëse puna juaj lejon”.

- SPONSOR -Smiley face

Javën e kaluar Tëitter u tha punonjësve të saj që të punojnë nga shtëpia për të ndihmuar në ndalimin e përhapjes së virusit. Në një postim në blog, gjigandi i mediave sociale tha se ishte e detyrueshme që personeli në Hong Kong, Japoni dhe Korenë e Jugut të punojnë nga distanca. Twitter gjithashtu tha se ishte “inkurajuese e fortë” e të gjithë 5000 punonjësve të saj në të gjithë botën për të mos hyrë në zyrat e tyre.

- SPONSOR -Smiley face